MOURINHO AKERWA NA CHELSEA KUKOSA UIMARA MFULULIZO!

BOSI wa Chelsea, Jose Mourinho, ameonyesha kukerwa kwake na Kikosi chake kwa kukosa kuwa na uimara mfululizo na kufungwa Mechi nyingine bila kutarajiwa.Chelsea waliirarua Arsenal 6-0 na kuzifunga Manchester City, Liverpool na Manchester United, wakiwa kwao Stamford Bridge lakini wakaja kufungwa na Crystal Palace Wiki iliyopita na kufuata kipigo cha 3-1 kwenye Mechi ya Kwanza ya Robo Fainali ya UEFA CHAMPIONZ LIGI Ugenini na Paris St Germain.
Wakiwa wamebakisha Mechi 6 za Ligi Kuu England,Mourinho Leo anajitayarisha kuipokea Stoke City Uwanjani Stamford Bridge akijua fika ushindi tu ndio utawafanya waipiku Liverpool na kutwaa uongozi wa Ligi.Akiongelea Mechi hii, Mourinho amesema: “Sijui kama tutakuwa na uchezaji mzuri. Moja ya nguzo ya Timu za juu ni uimara wao. Lakini Timu yetu Msimu huu imekuwa ikipanda na kushuka.”Katika Mechi ya Kwanza iliyochezwa Desemba, Stoke City iliichapa Chelsea  3-2 katika Mechi ambayo Stoke walitoka nyuma na kufunga Bao la ushindi Dakika za Majeruhi kwa Bao la Oussama Assaidi, Mchezaji wa Mkopo kutoka Liverpool.Hivi sasa Ligi Kuu England inaongozwa na Liverpool wakiwa na Pointi 71 kwa Mechi 32 wakifuata Chelsea wenye Mechi 32 na Pointi 69, Man City ni wa 3 wakiwa na Mechi 30 Pointi 67 na Nafasi ya 4 ni Arsenal waliocheza Mechi 32 na wana Pointi 64.Pellegrini amesema, ingawa pambao lao na Liverpool Wikiendi ijayo ni muhimu, Ubingwa utaamuliwa mwishoni mwa Ligi.

LIGI KUU ENGLAND

RATIBA

[Saa za Bongo]

Jumamosi 5 Aprili 2014

1445 Man City v Southampton 

1700 Aston Villa v Fulham

1700 Cardiff v Crystal Palace

1700 Hull v Swansea

1700 Newcastle v Man United

1700 Norwich v West Brom

1930 Chelsea v Stoke

LIGI KUU ENGLAND

RATIBA

[Saa za Bongo]

Jumapili 6 Aprili 2014

1530 Everton v Arsenal

1800 West Ham v Liverpool

Jumatatu 7 Aprili 2014

2200 Tottenham v Sunderland